basmet_hop مشرف منتدى
عدد الرسائل : 1279 العمر : 114 المزاج : تمام الدولة : لاوسمة : السٌّمعَة : 0 نقاط : 0 تاريخ التسجيل : 28/01/2008
| موضوع: أقراء القصه .......ولا تتردد.......واكتب رأيك الأربعاء يونيو 25, 2008 7:54 pm | |
| السلام عليكم ورحمة الله وبركاته
قصه حقيقية صارت على أحدى شواطى الخليج
فيهاأثنان من الشباب راحوا على البحر يجلسون على الشاطئ ومعاهم عشائهم
وهم جالسين يتعشون جتهم عجوز كبيرة في السن
وقعدت تلقط الأكل المنثور على الارض وتأكل.
ولما شافوها قاموا عندها وقالولها انت جوعانة
قالت أنا هنا من الصبح وما أكلت شئ
. جابني ولدي من الصبح وراح وخلاني وقالى راح أجي آخذك بعد شوي.
المهم جابوا لها عشاء وتعشت .
وبعد ما تأخر الوقت شالوا أغراضهم حسوا الشباب إن الوقت متأخر والجو بدا يبرد
وما يصير يتركون العجوز على الشاطئ لحالها في الليل
وجاء واحد من الشباب وقال لها عندك رقم ولدك نتصل عليه نخليه يجي آخذك .
قالت العجوز إيه معي الرقم في ورقه . ولما طلعت الورقه .
ايش تتوقعوا مكتوب فيها ؟؟؟؟؟
مكتوب( من يجد هذه المرأه يآخذها لدار العجزه ) انصعقوا
الشباب من المكتوب في الورقه وجلسوا ساعه يترجون العجوز تمشي معاهم .
ويحاولون فيها أنها تمشي أي مكان تبيه يودونها له .
أكيد العجوز رفضت أنها تروح معاهم لأن ولدها وعدها إنه يجي يآخذها
وتبى تستناه لما يجي. وكانت تقول ولدي راح يجي يآخذني وأنا راح استناه .
ماتدري المسكينه إن ولدها تنكر لها ورماها في الوقت الي هي فيه محتاجه له .
المهم راحوا الشباب
عنها وأتركوها على أمل إن ولدهاراح يجي يآخذها حسب وعده لها
في واحد من الشباب قعد يتقلب في الفراش وماقدر يرقد
يفكر في مصير العجوز المسكينة
وقام من فراشه وغيرملابسه وركب سيارته وراح للشاطئ.
ولما وصل.
شاف الإسعاف والشرطة والناس مجتمعين ودخل بينهم
شاف العجوز قد فارقت الحياة ولما سألهم عن سبب وفاه العجوز
قالو له أرتفع معها الضغط وماتت.
ماتت من خوفها على ولدهايمكن يكون صار له شئ.
ماتت وهي تستنا ولدها يجي يأخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته .
أدعوا معي آمين.
مـــــــــنقـــــــــول | |
|
basmet_hop مشرف منتدى
عدد الرسائل : 1279 العمر : 114 المزاج : تمام الدولة : لاوسمة : السٌّمعَة : 0 نقاط : 0 تاريخ التسجيل : 28/01/2008
| موضوع: رد: أقراء القصه .......ولا تتردد.......واكتب رأيك الثلاثاء أكتوبر 28, 2008 6:47 pm | |
| | |
|